تسمحلى أوديك فى داهية ؟؟؟؟؟

السلام عليكم ورحمة الله وبركاته
نقلت هذا الموضوع لان بجد اسلوب الكاتب فيه اعجبني
وشد انتبهي لذلك قلت انقله لاحبابي حتي يستفيدوا
ومن باب قول النبي صلّ الله عليه وسلم لعلي رضي الله عنه
]لئن يهدي بك رجل واحد خير لك من حمر النعم
اللهم امين

تسمحلي أوديك في داهيه؟

تسمحلي أوديك في داهيه؟

تسمحلي أضرك ضرر كبير

تسمحلي أضحك عليك و أخليك تعمل اللى بقولك عليه و متنفذش كلام اللى بيحبك رغم إن كلامي هيضرك

تسمحلي أخليك تضيع فلوسك و صحتك على حاجه ملهاش لزوم

تسمحلي أخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب نظرة تنظرها لحد تاني

تسمحلي أخليك تبطل تعمل الحاجه اللى بتصفي روحك و تقربك من اللى بيحبك

تسمحليأخليك رخيــــــــص أوي و كل من هب و دب ينهش فيك و انت بيتهيألك إنك جميل أوى

تسمحلي اخليك بدل ما تسكن فيلا جميله تسكن تحت اي كوبري

ها .. قلت ايه ؟ ... يا ترى هتسمحلي بكل ده ؟

ايه ده بتقول مش موافق .. و بتقول عليا مجنون كمان

طيب استنى استنى أنا مش مجنون

اصل انت سمحت لحد تاني بكل ده و أنا قلت يمكن تسمحلي انا كمان]

مع ان الحد التاني ده عدو ليك و ليا و انا اقربلك منه بكتير

عارف مين هو ؟

لأ انت عارف بس مش واخد بالك

اقولك اسمه

كل الناس عارفه اسمه

حتى الاطفال الصغيرين

إسمه

الشيطان

طيب مش أنا اولى بيك من الشيطان

طيب لو انت مش هتسمحلي بكل ده

يبقى ليه تسمح للشيطان انه يعمل معاك كده

ايه ؟ .. بتقول ايه ؟ ... بتقول انك مسمحتش للشيطان بكل ده

لالالالالا انت سمحتله بس انت ناسي

و انا هفكرك

لما تعصي ربك و تسمع كلام الشيطان يبقى سمحتله يضحك عليك و يخليك تعمل اللى بيقولك عليه و متنفذش كلام ربك اللى بيحبك

لما تشتري بفلوسك سجاير تضر بيها صحتك يبقى سمحتله يخليك تضيع فلوسك و صحتك على حاجه ملهاش لزوم

لما ما تغضش بصرك يبقى سمحتله يخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب النظرة دي

لما ماتصليش يبقى سمحتله يخليك تبطل تعمل الحاجه اللى بتصفي روحك و تقربك من ربك اللى بيحبك

دلوقتى هنركز فى حاجة واحدة وهيا التدخين

احنا عندنا هنا ناس بدخن سواء سجاير او شيشة احنا اعمارنا بتتراوح بين 18
و 23 سنة يعنى لسة مبقناش رجالة وبقينا معتمدين على نفسنا بالدرجة الاولى

وقرارات بقت من دماغنا

عاوز اسائل سوال لكل واحد بيشرب سجاير انتة شايف سجاير رجولة منك يعنى تقدر تشربها قدام اهلك عادى كدة ومحدش هيقولك حاجة

لو والدك عرف انك بتشرب سجاير مش هيكلمك هيسيبك عادى تكمل وتشرب ولا هيكون اية رد فعلة

انا مش هقول تدخين مضر بالصحة والكلام دة كلة لاننا كلنا عارفين اضرار
تدخين اية وعارفين مصايبقة انتة لو روحت عملت اشعة على صدرك هتلاقى حتة

سودة موجودة فى صدرك يترى هتبقى راضى عن نفسك وانتة هتلاقية كدة

فى ناس هتقول احنا اتعودننا عليها خلاص ومش عارف ابطالها هقولة لا لو عايز
تبطلها هتبطلها بدليل انك وانتة صايم مش بدخن وبتقعد 14 ساعة من غير

سجارة واحدة يعنى تقدر تبطل اهو

فنا عاوز فى نطاق المنتدى بس يريت نقدر نقدر نبطل السجاير والتدخين بكل انواعة

وانا اول واحد نفذت كلامى انا كنت بشرب شيشة بس الحمد الله بطلتها خلاص بدون رجعة تانى فحطوا اديكوا فى ايدى ونبطل تدخين مع بعض

هل تعرف فائدة الإقلاع عن التدخين ؟؟؟؟؟

بعد 20 دقيقة من الانقطاع عن التدخين يعود الضغط والنبض إلى المعدل
الطبيعي، ويتحسن دوران الدم في اليدين والقدمين وتصبحان أكثر دفئاً.

بعد 8 ساعات من الانقطاع عن التدخين يعود أوكسجين الدم إلى المعدل الطبيعي، ويبدأ احتمال حدوث احتشاء القلب (الجلطة) بالتناقص.

بعد 24 ساعة من الانقطاع عن التدخين ينطرح غاز أول أوكسيد الكربون من الجسم، وتبدأ الرئة بالتخلص من بقايا التبغ.

بعد 48 ساعة من الانقطاع عن التدخين يتخلص الجسم من النيكوتين، وتتحسن حاستي الذوق والشم.

بعد 72 ساعة من الانقطاع عن التدخين يصبح التنفس سهلاً بسبب زوال التشنج القصبي.

بعد 2 ـ 12 أسبوعاً من الانقطاع عن التدخين يتحسن دوران الدم في كامل الجسم، ويصبح المشي أسهل.

بعد 3 ـ 9 أشهر من الانقطاع عن التدخين تتحسن وظائف الرئة بمقدار 5 ـ 10%،
وتزول الأعراض التنفسية المعروفة لدى المدخن كالسعال وقصر النفس والتشنج
القصبي.

بعد 5 سنوات من الانقطـاع عن التدخيـن ينخفـض احتمـال حـدوث احتشـاء عضلة
القلب (الجلطة) واحتشاء ونزوف الدماغ (الفالج) إلى النصف مقارنة بالمدخنين.

بعد 10 سنوات من الانقطاع عن التدخين ينخفض احتمال حدوث سرطان الرئة إلى
النصف مقارنة بالمدخنين، ويتساوى احتمال حدوث احتشاء عضلة القلب

(الجلطة) واحتشاء ونزوف الدماغ (الفالج) مع غير المدخنين.

عرفت بقى انى مش مجنون لما طلبت منك كده

عرفت ان انت اللى مجنون لو كنت بتسمح للشيطان بكده

لو كنت وافقت ع اللى طلبته منك يبقى مش هلومك لما تسمع كلام الشيطان

لكن لا الفطره ولا العقل ولا المنطق ولا الاخلاق و لا الدين ولا كلام ربنا يوافق على الكلام ده
يبقى بقى لازم ............. لازم تراجع نفسك و تبعد الشيطان عنك

يريت نقدر نغير من نفسنا شوية علشان نبقى رجالة بجد

شكرااااااااااااااااا

عن جد موضوع روعه يا ميدو يا عسل

والشيطان لعنة الله عليه هو اكبر سبب في دخول ذوي القلوب الضعيفة والايمان الضعيف والغير قوي

والذين يتبعون شهواتهم ويطاوعون انفسهم ويعملون ع حسب رغبة نفسهم لا ع حسب الدين وعاداتنا وتقاليد ديننا الاسلام

وفي الاخير يلقون اللوم ع الشيطان يقولون هو (السبب ...لعنه الله ...لقد جعلني افعل وافعل ...) مع ان الشيطان

لم ياخذ له عصا وضربه على يده او ارغمه على فعل الحرام ومع هذا فتجده يلقي اللوم ع الشيطان

اوليس هذا غريب بالنسبة لكم وفي الاخير اختم قولي هذا بــــ:ــ

''(الدنيا ساعة اجعلها طاعة & النفس طماعة عودها قناعة ) كل الشكر لك يا ميدووووووووووو